Kom deel in die opwinding van die wêreld se wonderlikste storie ooit. Die Aksie-Bybel bied meer as 200 kort, aksiebelaaide Bybelstories in chronologiese volgorde. Dit verseker dat lesers die historiese vloei van die Bybel beter verstaan, en dra ook by tot 'n kragtiger opbou na die opwindende hoogtepunt.

Die aangrypende Ou- en Nuwe-Testamentiese stories in Die Aksie-Bybel kommunikeer Bybelse waarhede duidelik en kragtig aan hedendaagse lesers. Die gemaklike skryfstyl en dramatiese illustrasies sal aanklank vind by kinders en almal wat jonk van gees is. Skrifverwysings kom aan die begin van elke storie voor om verdere Bybellees aan te moedig, en 'n volledige Skrifindeks kom agter in die Bybel voor.
Internasionaal erkende kunstenaar Sergio Cariello se aangrypende, kleurryke illustrasies word gekenmerk deur dramatiese skakerings, sterk en energieke ontwerpe en emosioneel gelaaide figure.
Hierdie is die verhaal van God se verlossing - in aksie!

Seuntjie se 1ste Bybel. Ideaal vir doopgeskenk.

Dogtertjie se 1ste Bybel. Ideaal vir doopgeskenk.

Sakkie Spangenberg hervertel enkele bekende Bybelstories en probeer om op 'n nuwe manier iets te sê van die aarde waarop ons leef en die heelal waarvan ons deel is. Hy doen dit deur telkens twee stories te vertel - eers 'n baie ou Bybelse storie en dan 'n nuwe wetenskaplike een. Tussendeur verwys hy ook graag na David Kramer se lied getiteld “Die ou aarde”. Hy hoop dat die stories en die lied kinders met nuwe oë na die aarde en alles daarop sal laat kyk.

'Byna 300 onvergeetlike verhale van die Bybel word op dramatiese en aanskoulike wyse deel van kinders se lewe.
Die kleurvolle illustrasies maak die gebeure vir die kind aangrypend werklik en boei sy aandag van die eerste tot die laaste bladsy. Die verhale bly ook deurgaans Skrifgetrou en by elkeen word toepaslike Skrifverwysings gegee.
In Die Kinderbybel word die mooiste verhale van die Bybel boeiend oorvertel sodat elke kind dit sal verstaan en onthou

366 temas ondersteun deur teksverse en 'n unieke kerngedagte om gelowige meisies te bemoedig.

Die Sakpas-Bybel-reeks is bedoel vir almal, ongeag waar jy jou in jou geloofreis bevind. Dit roer onder­werpe aan wat alle gelowiges raak, van versekering van ver­lossing tot 'n geesdriftige lewe vir God.

Elk van die 366 temas word ondersteun met verskeie teksverse en 'n unieke kerngedagte. Die Sakpas-Bybel-reeks bestaan uit vier uitgawes spesiaal vir mans, vroue, meisies en jong mans. Die kerngedagtes is ge­skryf deur Stephan Joubert (mans), Norma Rossouw (vroue) en Johan Smith (meisies en seuns). Agter in die Bybel is daar ook 'n tematiese indeks ingesluit wat dit maklik maak om temas soos aanvaarding, besluitne­ming, geloof en doel op te spoor.

Die Sakpas-Bybel is die ideale Bybel vir enige om­standighede, of jy nou reis of dit op jou bedtafeltjie hou, en vir elke lewensseisoen.

Eerste Bybel vir kleingoed bevat van die bekendste Bybelverhale, pragtig geillustreer, wat God bladsy vir bladsy aan kleingoed bekend sal stel. Dit sal kleingoed help om die eerste treë in hul geloof te neem en om die God te leer ken wat hulle liefhet! Kleingoed sal dit geniet om na die mense en diere in die kleurvolle kunswerk op elke bladsy te kyk, wat dit die perfekte keuse maak as jou baba se eerste Bybel!

'n Versameling gebede om saam met kinders te lees.

Gebede vir kleingoed is die ideale wegspringplek om jong harte te wys hoe om alles in hulle lewe met God te deel.

'God se groot plan vir my' neem kinders op 'n 40-dae-reis deur die Bybel om 'n dieper verhouding met God te bou en die doel vir hul lewe te ontdek.
Dit is gebaseer op die 40 dae in Rick Warren se boek, Die doelgerigte lewe. Nou kan kinders ook leer wat God vir hul lewe wil hê danksy die 40 Bybelstories in dié boek.
Elke dag bevat:
'n Oordenking oor die dag se tema
'n Bybelverhaal wat daarby aansluit
'n Gedagte vir die dag
'n Byblevers om te onthou
'n Vraag om oor na te dink
Die 40 Bybelstories volg die chronologiese orde waarin dit in die Bybel verskyn. God se groot plan vir my is dus ook 'n Kinderbybel in eie reg.
Die boek is ook pragtig en kleurryk geillustreer.

Meer as 50 van Archbishop Emeritus Desmond Tutu se geliefde Bybelstories. Volkleur, sagteband met volkeur illustrasies.

Hierdie kleurvolle geïllustreerde Ja! kleuter Bybel is spesiaal geskep vir Ja! kleuters.

Die verhale van die Bybel kry nuwe lewe in hierdie pragtige Klassieke Kinderbybel vir kinders van 7-10 jaar oud. Getrou aan die klassieke tradisie word die verhale in 'n eg Bybelse styl vertel. Die pragtige en dramatiese illustrasies beeld in grafiese besonderhede 40 van die mees geliefde Bybelverhale in die Ou en die Nuwe Testament uit. Elke illustrasie is 'n kunswerk wat aan die leser groot vreugde sal verskaf. Hierdie Kinderbybel sal in die jare wat kom 'n groot gunsteling onder kinders bly.

My eerste Bybelstorieboek bevat 30 bekende Bybelverhale wat in maklik verstaanbare taal weergegee word. Elke verhale beklemtoon God se verlange om 'n verhouding met sy kinders te hê. Die pragtige illustrasies en verhale sal jong lesers se aandag vasvang en bevat 'n kort gebed en vrae om oor na te dink. My eerste Bybelstorieboek is perfek vir stiltetyd as 'n gesin en ideaal om jong lesers te help om die Here se weë te verstaan. Vir beginners - 3 jaar en ouer.

Hierdie kosbare boek bied klassieke Bybelstories en gebede met besonderhede en mylpale van 'n kind se eerste jaar.
Dit sal gekoester word as spesiale aandenking en ook as die kleinding se eerste Bybel.

Bekende Bybelverhale opnuut uitgegee!
Lees, luister en geniet die Bybelverhale, -liedjies en illustrasies saam met jou kleuter. Die Bybelverhale is geskryf om saam met die skrywer se voorlees- en liedjieopnames gebruik te word. 'n QR kode word in die boek ingesluit wat lesers gratis toegang bied tot die skrywer se voorlees- en liedjieopnames. Kleuters kan na die voorgeleesde voorlees- en liedjieopnames luister terwyl hulle na die illustrasies kyk. Jy kan óf die kleuter aan die Bybelverhale bekend stel deur dit voor te lees terwyl hy of sy na die illustrasie kyk, óf deur saam na die storie op die opname te luister.
Terwyl elke Bybelverhaal met groot sorg getrou aan die Skrif oorvertel word, is die taalvlak en -vermoë en die ontwikkeling van 'n gesonde Godbegrip by die kleuter in ag geneem by die skep van hierdie publikasie. Deurgaans word Bybelse waardes deur die teks en illustrasies beklemtoon. Gebruik die illustrasies om gesprekke met jou kleuter te stimuleer.
Na die Bybelverhaal is daar 'n gebed wat jy saam met jou kleuter kan bid. Kyk ook uit vir die dierevriende wat die Bybelverhaal-reis saam met die kleuter af lê. Die diere help die kleuter om te onthou wat die hoofboodskap of -waarde van die verhaal is.