'n Wonderlike dagboek wat 'n stewige grondslag sal lê vir meisies se geloofsgroei. Die 365 dagstukkies in 'n Bybeldagboek vir meisies is gebaseer op van die bekendste Skrifgedeeltes en beloftes in die Bybel. Jong meisies sal elke dag van die jaar bemoedig, uitgedaag en geïnspireer word. Enkele temas wat in hierdie dagboek voorkom, is God, Jesus, die hemel, liefde, wonderwerke, wysheid en vele meer. Elke oordenking is gerig op die daaglikse leefwêreld van meisies en bied woorde van troos, vrede en hoop.

'n Wonderlike dagboek wat 'n stewige grondslag sal lê vir seuns se geloofsgroei. Die 365 dagstukkies in 'n Bybeldagboek vir seuns is gebaseer op van die bekendste Skrifgedeeltes en beloftes in die Bybel. Jong seuns sal elke dag van die jaar bemoedig, uitgedaag en geïnspireer word. Enkele temas wat in hierdie dagboek voorkom, is God, Jesus, die hemel, liefde, wonderwerke, wysheid en vele meer. Elke oordenking is gerig op die daaglikse leefwêreld van seuns en bied woorde van troos, vrede en hoop.

101 oordenkings vir seuns bied kort, inspirerende oordenkings vir laerskool-seuns. Rebecca Davis vertel hulle van die wonderlike dinge wat God deur die lewens van Christene oor die hele wêreld heen gedoen het sodat hulle uit dié werklike verhale kan leer. Elke dagstukkie staan op drie bene: (1) Leer meer oor iets wat regtig gebeur het (oordenking), (2) lees God se Woord (Bybelverse); en (3) gesels met God (gebedsvoorbeeld). Met hierdie drie eenvoudige stappe sal seuns vinnig leer hoe om elke dag hul eie stiltetyd te hou.

Maak jou kind se eerste ervaring met oordenkings iets onvergeetliks met 365 Oordenkings vir beginners. Hierdie boekie spog met lewendige illustrasies wat kinders van 3-6 jaar sal fassineer. Kinders sal die volkleur-kunswerk uit Bybelstories vir beginners geniet terwyl die eenvoudige oordenkings met Bybelverse en gebede hulle bekendstel aan daaglikse stiltetyd. 365 Oordenkings vir beginners, met sy hope pret en tydlose verhale vir kleuters, is ideale vir ouers en Sondagskoolonderwysers om kinders te help om God en sy Woord elke dag beter te leer ken.

Die meeste van ons het goeie rolmodelle in ons lewe. Dit kan 'n gunsteling rolprentster, sanger of sportster wees. Vir sommige kan dit selfs 'n familielid of vriend wees wat ons bewonder. Vandag raak dit egter al moeiliker om goeie, godvresende rolmodelle te vind.
Elke dag saam met Jesus wys vir kinders tussen 8 en 12 jaar wat dit beteken om in die voetspore te volg van die grootste rolmodel wat ooit op die aarde geleef het - Jesus. In 366 kragtige oordenkings help Dave Strehler die kinders van vandag om meer soos Jesus te word namate hulle meer leer oor die aardse reis, van die dag van sy geboorte tot sy hemelvaart. Elke oordenking bied 'n inspirerende teksvers en iets om te doen, oor na te dink, te onthou en te bid.
Help die jongmense van vandag om hulle eerste tree na sukses te gee namate hulle in die voetspore van Jesus volg, die wonderlikste rolmodel wat die wêreld al ooit gesien het!

Dit kan 'n uitdaging wees om daaglikse stiltetyd 'n gewoonte te maak vir kinders. Maar om die Bybel te lees, of ons dit saam doen of alleen, en of ons jonk of oud is, help ons om God te leer ken en te weet wat sy wil vir ons is. Familie Storiebybel-oordenkings maak Bybellees 'n fees vir kinders tussen 6 en 10.
Al word die Bybelstories oorvertel vir 'n jonger gehoor, is dit gebaseer op amptelike, vertroude Bybelvertalings, en daar is deurgaans verwysings na waar die storie in die Bybel gekry kan word. Die 365 stories het elkeen 'n prikkelende gedagte of vraag, asook 'n gebed om kinders en volwassenes te help om die boodskap van die Bybel hul eie te maak.
Familie Storiebybel-oordenkings is ideaal vir huisgodsdiens, of kinders kan dit self in hul stiltetyd gebruik. As jy die oordenkings in Bybelvolgorde wil lees, kan die indeks agterin jou help om dit maklik op te spoor.

Onbeskryflik: 100 dagstukkies oor God en wetenskap sal leergierige kinders aangryp en hulle wys God se ontwerpplan is regtig wonderlik. In hierdie dagstukkies nooi bekende pastor Louis Giglio kinders om te dink oor die dinge in ons alledaagse lewe. Temas wat gedek word sluit in: die Aarde, die buitenste ruim, die menslike liggaam, diere en die weer.
Die boekie is vol prettige kleurillustrasies asook foto's wat die skoonheid vasvang van die wêreld waarin ons leef. Dit beloof om kinders se begrip van die heelal uit te daag, maar steeds hul geloof in ons Skepper-God te versterk. Elke dagstukkie bevat 'n wetenskaplike gedeelte met interessante feite en eksperimente wat die kinders self of saam met hul ouers kan doen, asook 'n gepaste Bybelvers en gebed.

Huiswerk, sport- en kultuuraktiwiteite maak 'n meisie se dag baie gou baie besig. Dit word egter soms so besig dat 'n mens totaal oorweldig voel. Dit is wanneer jy by die Vader moet gaan stilword sodat Hy jou kan vul met sy krag en hoop. Stilwordtye saam met God vir meisies bied 90 kort, inspirerende gedagtes wat meisies sal bemoedig en versterk. Meisies kan enige tyd van die dag nadink oor hierdie inspirerende oordenkings.