Die beste versameling kuns …
Terwyl Tom en sy ouma 'n kunsgalery besoek, dwaal hy af en bevind homself in 'n syvertrek waar hy 'n baie spesiale uitstalling raakloop …
Ruth Brown, bekende prenteboekskrywer en -illustreerder van onder andere 'n Donker, donker storie, skep meesterstukke in hierdie briljante, speelse ontdekking van die kunsstyle van bekende en geskiedkundige beeldende kunstenaars. 'n Aangrypende inleiding tot kuns wat deur kinders sowel as volwassenes geniet sal word.

Onder die talle boeke met 'n donkie as hoofkarakter, is Paul Gallico se A Small Miracle een van die mees bekoorlike. Dit is die roerende verhaal van 'n Italiaanse oorlogswesie, Pepino, wie se liefde vir sy donkie, Violetta, en sy geloof in Sint Franciskus hom van Assisi na die Vatikaan in Rome neem. Gallico is veral bekend vir sy Dunkirk-verhaal, The Snow Goose.

Naòmi Morgan is 'n bekroonde vertaler van kinderliteratuur. In 2015 is die Suid-Afrikaanse Vertalersvereniging se prys vir Uitnemendheid in die Vertaling van Kinderliteratuur aan haar toegeken vir Oskar en die pienk tannie en Monsieur Ibrahim en die blomme van die Koran. Haar vertaling en produksie van Antoine de Saint-Exupéry se Die Klein Prinsie het aan Chris van Niekerk Beste Vrystaatse Akteurtoekenning in 2017 besorg. Sy is hoof van die Franse Afdeling aan die Vrystaatse Universiteit.

Elmer, die kleurvolle olifant, is 'n kleutergunsteling sedert sy skepping in 1989. Die reeks is bekend aan miljoene, en het al meer as 4 miljoen kopieë verkoop regoor die wêreld, in meer as 40 tale. Die subtiele boodskap, dat dit aanvaarbaar is om anders te wees, word gekombineer met die lewendige kleur en astrante humor van die hoofkarakter.

Dit is twee dae voor die Elmer Dag-optog - die dag wanneer olifante hulleself met helder patrone versier. Maar Elmer, die veelkleurige olifant, is verveeld en besluit om vir die grys olifante 'n yslike poets te bak.

Die heks en haar kat vlieg gelukkig deur die lug op haar besemstok. Maar dan kom raap die wind die heks se hoed, toe haar strik en toe haar towerstaf op. In die soektog na hierdie toor-noodsaaklikhede ontmoet die heks en haar kat talle hulpvaardige diere wat saam op haar besemstok wil ry. Maar is daar plek vir soveel diere op haar stok? En sal die nuwe vriende haar kan red wanneer gevaar dreig? 'n Verhaal oor die vreugde van vriendskap en om met ander te deel.

Andries Anders is 'n skaap. Hy voel eensaam omdat hy anders as die ander skape is. Maar diep in sy hart glo hy daar moet êrens 'n plek wees waar dit normaal is om anders te wees. Gedryf deur hierdie verlange gaan hy op 'n soektog ...


OOR DIE OUTEUR EN ILLUSTREERDER
Miriam Koch (gebore 1980) het visuele kommunikasie, met illustrasie as hoofvak, in Trier gestudeer. Sy is die outeur en illustreerder van verskeie kinderboeke, insluitende Fiete Anders (Andries Anders, Protea 2013) en Keentied (Halsoorkop, Protea 2013). Dit is spesifiek haar liefde vir die Noordsee wat Andries Anders geïnspireer het. Koch woon tans in Bremen.

Eerste Afrikaanse weergawe van die gewilde kinderboek wat ook in Chinees en Spaans gepubliseer is.
Anna het 'n lewendige verbeelding met drome wat vir haar werklik voel. Een oggend word sy wakker en besef dat sy haar droom nie kan onthou nie. Saam met haar hond reis sy deur haar drome op soek na die verlore droom. Hulle ontmoet reuse, vampiere, en 'n herhalende droom. Oplaas vind Anna die antwoord: haar droom was nader as wat sy gedink het.

In 'n groot, groen woud met bome wat honderde jare oud is, woon daar 'n heks wat net so oud as die bome is -'n heks met groen hare. Haar naam is Arboreta. Die verskil tussen Arboreta en al die ander hekse in die wêreld is dat sy nie 'n bose of nare heks is nie: Sy het nie moesies of 'n haakneus nie en vang ook nie kindertjies om in haar swart pot te kook later hulle beentjies af te suig nie.

Vir mevrou Eend is vandag 'n belangrike dag - sy gaan haar kuikens leer swem!
Terwyl Mamma Eend vir twee van haar eendjies leer duik en kos soek, dwaal Gertjie, die derde eendjie, af ...

Manie, die klein muisie, sit en kyk hoe Boer Frans werk. Maar dan steek Boer Frans sy hooivurk in die baal waarop Manie sit ...
Manie trek soos 'n vrot vel deur die lug, in die rigting van die diere se drinkbak ...

Die lug is vol swaar, grys wolke en die wind waai woes. Daar's 'n storm op pad!
Hansie Haas skuil onder 'n vlieër. Maar dít was dalk nie so 'n goeie plan nie. Die wind waai al hoe sterker ...

Dis Lente. Boel pas die trop koeie op. Skielik hoor hy 'n vreemde geloei. Hy gaan nader ... Kyk net wat lê daar op die bodem van die put ...!

Daar is ses nuwe varkies op die plaas! Maar hoe groter hulle word, hoe stouter word hulle. Haan roep al die plaasdiere bymekaar om te kom help om die ses karnallies 'n paar lesse in goeie maniere te leer.

Dis 'n lieflike somersaand op die plaas. Almal slaap. Skielik hoor meneer Uil 'n geblaf. Boel en Dolla, die twee honde, het wakker geword en sit met hul ore gespits. Hulle het iets in die bossies gehoor ...

Vroegoggend al sit boer Frans buite op 'n bankie. Hy kyk die hele tyd op sy horlosie. Dan tuur hy weer in die pad af. Wie sou hy verwag? 'n Vragmotor kom aangery...

Wanneer Manie en Tobie, die twee klein muisies, hul niggies van die vlermuisfmailie leer ken, wil hulle net één ding doen: hulle wil ook vlieg ...
Sal hulle droom waar word?